in godes minna ind in thes christânes folches ind unsêr bêdhero gehaltnissî fon thesemo dage frammordes sô fram sô mir got geuuizci indi mahd furgibit sô haldih thesan mînan bruodher sôso man mit rehtu sînan bruodher scal in thiu thaz er mig sô sama duo indi mit ludheren in nohheiniu thing ne gegango the mînan uillon imo ce scadhen uuerdhên

oba karl then eid then er sînemo bruodher ludhuuuîge gesuor geleistit indi ludhuuuîg mîn hêrro then er imo gesuor forbrihchit ob ih inan es iruuenden ne mag noh ih noh thero nohhein then ih es iruuenden mag uuidhar karle imo ce follusti ne uuirdhit